Disa pamjet të publikuara në platforma si X apo Truth tregojnë se zjarret që kanë përfshirë Los Anxhelos kanë prekur dhe shkrimin ikonë “Hollyëood”. Por një gjë e tillë nuk është e vërtetë. Ky është vetëm shembulli i fundit i një imazhi të krijuar me inteligjencë artificiale. Për më tepër, janë disa imazhe nga përdorues të ndryshëm që janë shpërndarë dhe ribashkuar më pas online. Zjarri që ka përfshirë qytetin kalifornian, ka shkaktuar të paktën 16 viktima deri më tani. Por autoritetet po hetojnë, ndërsa teori konspirative po qëndrojnë edhe kësaj here, ashtu siç edhe ndodh pas çdo katastrofe të madhe duke nisur nga COVID tek uragani Helene. Donald Trump ka fajësuar publikisht guvernatorin e Kalifornisë, Gavin Neësom, për vështirësinë në furnizimin me ujë të Los Angeles. Po ashtu, kryebashkiakja e qytetit, Karen Bass, akuzohet për përgjegjësinë për zjarrin, pasi ka shkurtuar buxhetin për zjarrfikësit. Dhe është e vërtetë: vitin e kaluar është shkurtuar me 17.6 milionë dollarë nga një buxhet total prej 820 milionë dollarësh. Po teoritë e komplotit që po qarkullojnë këto ditë po prekin gjithashtu dy nga industritë më të rëndësishme të Kalifornisë, atë teknologjike dhe atë të argëtimit. Sipas këtyre teorive, zjarri – që për të dyja është sigurisht i qëllimshëm – ka origjinën në një plan për të krijuar një qytet të ri të drejtuar dhe menaxhuar nga inteligjenca artificiale, mbi mbetjet e Los Angeles.