Dy shtetas grekë u arrestuan në flagrancë nga policia, ndërsa rezulton se ishin ndaluar edhe më herët për vepra të ngjashme. Ngjarja ndodhi në një nga zonat qendrore të Athinës, ku dy të rinjtë u pikasën nga një patrullë policie teksa tentonin të merrnin motorin e parkuar brenda një biznesi. Fillimisht, të arrestuarit mohuan se po tentonin të vidhnin mjetin. Por pas verifikimit të numrit të shasisë, policia konfirmoi se motori ishte objekt i tentativës së vjedhjes. Në vijim, efektivët kontaktuan pronarin e motorit, një shtetas shqiptar, i cili deklaroi se e kishte lënë mjetin të parkuar jashtë vendit të tij të punës, pasi kishte pësuar një defekt. Dy të arrestuarit u dërguan përpara gjykatës, e cila vendosi masën e arrestit me burg për 30 ditë. Autoritetet greke vijojnë hetimet për të zbardhur nëse dy personat mund të jenë të përfshirë edhe në raste të tjera të ngjashme.