GJKKO kalon për gjykim dosjen në ngarkim të avokatit Radovan Çela lidhur me procedimin penal për çështjen “Toyota Yaris”. Avokati i tij mbrojtës kërkoi që Çela të gjykohet me procedurë të shkurtuar, teksa vendimi mbi këtë kërkesë do të jepët nga gjykata në 12 maj. Radovan Çela i cili u vetëdorëzua pak kohë më parë akuzohet nga SPAK për veprën penale “korrupsion” dhe “ushtrim i ndikimit të paligjshëm ndaj funksionarëve të drejtësisë”. Nga hetimet e deri tanishme ai dyshohet se ka ofruar para për të ndikuar në vendimarrjen e funksionarëve të drejtësisë për të zbutur pozitën ligjore të një të akuzuari për çështjen Toyota Yaris. Pak ditë me parë organi i akuzës lexoj pretencën për ish kryeprokurorin e Vlorës Aurel Zarka, ku prokurori Klodian Braho kërkoi dënimin e tij me 4.6 vite burg. Në rast se pranohet kërkesa e Brahos, Zarka do të përfitojë ulje të dënimit me 1/3 për shkak të gjykimit të shkurtuar. Hetimi nisi mbi bazën e të dhënave të Sky EÇ, që u vunë në dispozicion nga autoritetet franceze, ku mes të pandehurve u zbuluan komunikime për disa çështje mes të cilave edhe “Toyota Yauris”. Çështja në fjalë lidhet me sekuestrimin e 3.4 milionë eurove të fshehura në dy automjete tip “Toyota Yaris” në Portin e Durrësit.