Ekzekutimi i komisarit Gani Malushi në 6 gusht të vitit 2003, sot e kësaj dite vijon të jetë mister, ndonëse dosja u mbyll duke e klasifikuar ngjarjen si hakmarrje ndaj shoferit të tij. Në atë kohë shef policie në Krujë, Malushi u qëllua me breshëri plumbash duke ndërruar jetën në vend dhe cështja u mbyll vetëm me një person të dënuar, Agim Pepën. Nga hetimet rezultoi se Malushi ishte shenjestër e gabuar dhe se autori kishte si qëllim vrasjen e eshoferit të tij dhe jo të komisarit. Por ndonëse shef i policisë në Krujë, komisari kishte një përvojë jo shumë poizitve si shef komisariati në Tropojë, në kohën kur ky vend ishte në mesin e trazirave për shkak të fisit Haklaj, i njohur gjërësisht në të gjithë vendin. Emri i Malushit është lakuar edhe për fisin Haklaj, pasi në kohën kur u ekzekutua djali i kësaj familje Fatmiri, Malushi ka qenë shef komisariati në Tropojë dhe bëri gjithçka për të siguruar prova në vendin e ngjarjes.