Presidenti i pezulluar i Koresë së Jugut, Yoon Suk Yeol, ka dalë para gjykatës lidhur me çështjen e shkarkimit, ndërsa mohoi para trupit gjykues që të kishte urdhëruar arrestimin e ligjvënësve gjatë përpjekjes për të vendosur ligjin ushtarak. Gjatë muajit të kaluar, Parlamenti votoi për shkarkimin e tij, ndërsa javën e kaluar gjykata Kushteteuse nisi gjyqin për të vendosur nëse do ta largonte ngadetyra apo jo. Yoon po përballet gjithashtu me një hetim penal të veçantë nëse ai udhëhoqi një grusht shteti. Gjyqi u zhvillua nën masa të rrepta sigurie, ndërsa kreu i shtetit u transportua me një furgon nga qendra e paraburgimit drejt Kushtetueses. Nërkohë policia vendosi barrikada për të evituar trazirat. Por edhe pse Yoon mohoi të kishte urdhëruar arrestimin, komandatët e lartë të ushtisë pretenduan nga ana tjetër se një urdhër i tillë ishte dhënë më 3 dhjetor. "Unë jam një person që kam jetuar me një besim të fortë në demokracinë liberale,Meqë gjykata kushtetuese ekziston për të mbrojtur kushtetutën, kërkoj që të shqyrtoni tërësisht të gjitha aspektet e kësaj çështjeje”, tha Yoon para gjyqtarëve.