Policia e Durrësit ka finalizuar operacionin ‘Banesa’, duke goditur një rast veprimtarie kriminale të prodhimit dhe shitjes së lëndëve narkotike. Pas marrjes së informacioneve në rrugë operative se një shtetas posedonte një sasi lënde narkotike të cilën e kishte fshehur në një banesë të pabanuar afër banesës së tij, në lagjen nr. 8, Durrës, uniformat blu kanë kapur në flagrancë 30-vjeçarin Eduart Kullesi, në momentin që ai po tentonte të merrte lëndën narkotike. Policia ka sekuestruar lëndën kanabis, me me peshë 8 kilogramë, në cilësinë e provës materiale. Autoritetet njoftojnë se hetimet vijojnë për dokumentimin e plotë të këtij rasti dhe identifikimin e shtetasve të tjerë që mund të jenë të përfshirë. Materialet procedurale për rastin i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Prodhimi dhe shitja e narkotikëve”.