Një seri incidentesh të fundit kanë shtyrë Parisin dhe Moskën, tashmë në përplasje për përpjekjet e Kremlinit për luftë në Ukrainë, edhe më larg. Kur ndihmat amerikane për ukrainën ishin bllokuar në kongres, Franca mori një rol udhëheqës duke nxitur mbështetjen perëndimore për Ukrainën brenda NATO-s. Presidenti francez Emmanuel Macron ka qenë shumë më i gatshëm se shumë liderë të tjerë brenda aleancës për të hapur temën e frikshme të dërgimit të trupave ushtarake në Ukrainë. Analistët kujtojnë se në fillimin e luftës macron ishte shumë më i butë ndaj moskës se shumë aleatë të tjerë, nërsa tani ai është bërë një nga zërat më të ashpër në NATO. E duket se kremlini nuk e ka pritur mirë këtë ndryshim. Komiteti Hetues i Rusisë, organi kryesor hetimor federal i vendit, tha të enjten se një shtetas francez ishte arrestuar në Moskë, i dyshuar për mbledhjen e informacionit ushtarak rus. “Ky informacion, kur merret nga burime të huaja, mund të përdoret kundër sigurisë së shtetit”, tha komiteti në një deklaratë.