Çmimet e naftës u rritën me 4% pasi Shtetet e Bashkuara të Amerikës dhe Britania e Madhe nisën ofensivën në Jemein, si kundërpërgjigje ndaj sulmeve të fundit të rebelëve Houthi mbi anijet në Detin e Kuq. Nafta e papërpunuar Brent arriti në 80 dollarë për fuçi për herë të parë këtë vit pasi rebelët e mbështetur nga Irani u zotuan të hakmerren kundër veprimeve ushtarake nga fuqitë perëndimore. Ndonëse çmimi u rrit, vlen të theksohet se ai është nën nivelet që arriti kur Rusia pushtoi Ukrainën, thuajse dy vite më parë. Gjithsesi qeveria e Mbretërisë së Bashkuar ka deklaruar se i druhet ndërprerjes së qarkullimit të mallrave, çka do të shkaktonte një tjetër krizë energjitike.