Në ditën e 11 të protestës, përplasja mes forcave të rendit dhe protestuesve ishte më e fortë se në protestat e mëparshme. Ndonëse një protestë ku mungoi molotovi, Policia në bashkëpunim edhe me forcat zjarrfikëse, nuk lejuan djegien e gomave, çka si duket irritoi më shumë situatën, duke sjellë breshëri vezësh ndaj policisë, por nuk munguan as edhe gurët. Teksa hoqën një pjesë të gardhit të hekurt, policia sulmoi me spray piper protestuesit, dhe deputetët e PD, të cilët kërkuan llogari se përse po sulmoheshin mbështetësit e tyre me ujinë e zjarrfikëses. Kjo situatë ka bërë që deputeti Bledion Nallbati të rëndohej e duke u ndihmuar nga kolegë të tij, u largua nga protesta. Por krahas protestuesve dhe zyrtarëve të Partisë Demokratike të Rithemelimit, Policia këtë të hënë nuk kurseu as punonjësit e medias, disa prejt të cilëve u sulmuan me spray drejtëpërdrejt, duke u shkaktuar probleme me frymëmarrjen e shikimin.