Tre persona janë arrestuar nga policia e Dibrës në akuzat e shpërndarjes së lëndëve narkotike dhe armëmbajtjes pa leje. Policia njofton se ka arrestuar 33-vjeçarin Alfred Gjoka, banues në fshatin Vajkal, në kuadër të operacionit ‘Tempulli’. Ai u ndalua në orët e mbrëmjes së të shtunës nga forcat operacionale, ato Shqiponja dhe komisariati i Bulqzës. Gjatë kontrolleve të ushtruara ndaj tij, janë sekuestruar dhjetëra doza lëndë narkotike e dyshuar kokaine, që 33-vjeëari do ta shiste në qytetin e Bulqizës. Në Dibër, shërbimet e Komisariatit të Policisë Dibër kanë ndaluar dy automjetet që lëviznin shtetasit Liman Daci, 36 vjeë dhe Klodian Murati, 37 vjeç, banues në Durrës dhe Tiranë. Gjatë kontrolleve në mjetet e tyre u gjetën dy armë gjuetie, që të ndaluarit i posedonin pa leje. Policia njofton se materialet në ngarkim të tre personave të arrestuar i ka referuar në prokuroria për veprime të mëtejshme proceduriale.