Temperatura e larta kanë bërë që Kosova të marrë masa të shumëta si për të mbrojtur qatetarët, por edhe infrastrukturën vendase. Kësisoj, që nga e diela, e 14 korrikut, deri më 31 korrik do të ndalohet qarkullimi i automjeteve me peshë mbi 7.5 tonë në autoudhë, rrugë nacionale dhe rajonale. Ky është vendimi I marrë nga ministria e infrastrukturës, për të mirëmbajtur rrugët. Kjo vjen bazuar në rekomandimet e Departamentit për Menaxhimin e Rrugëve dhe Policisë së Kosovës, me qëllim të ruajtjes së rrugëve nga dëmtimet si rezultat i temperaturave të larta. “Ndalohet qarkullimi në autoudhë, rrugë nacionale dhe rajonale për të gjitha automjetet e transportit të mallrave me peshë më të madhe se 7.5T. Ky vendim vlenë nga data 14 korrik 2024 deri më 31 korrik 2024 për periudhën nga ora 11:00 deri në ora 17:00”, ka njoftuar përmes Facebookut zëvendësministri i Infrastrukturës, Hysen Durmishi. Më herët qeveria e Kosovës vendosi që sektori I ndërtimit të mos lejohet të punojë nga ora 11 deri në orën 17:00 në ambiente të jashtme, teksa reduktoi në 4 orë punën për të sëmurët kronikë. Për grate shtatzanë, Ministria e Shëndetësisë vendosi që të jenë pushim, ose t’u mundësohet puna nga shtëpia.