Top News – Telefononi nëse ju rrezikohet jeta! Putin bllokoi rrjetet sociale, MEPJ gjen ‘zgjidhje’

Ministria për Evropën dhe Punët e Jashtme ka vënë në dispozicion disa numra telefoni për të gjithë qytetarët shqiptarë që ndodhen në Rusi, për të kontaktuar në situata emergjente. Ky veprim vjen pas bllokimit të rrjeteve sociale nga Federata Ruse dhe ambasada shqiptare në Moskë e ka të pamundur aksesin në profilet e saj në Facebook dhe Tëitter. Përmes një postimi në rrjetet sociale, Ministria për Evropën dhe Punët e Jashtme ju bën thirrje shqiptarëve në Rusi, të cilët nëse gjenden në situata emergjente, kur kanë një kërcënim real për shëndetin, sigurinë apo jetën e tyre të kontaktojnë menjëherë në tre numrat e telefonit ose në adresën e postës elektronike të ambasadës. Më tej në njoftim thuhet se Ministria për Evropën dhe Punët e Jashtme po e ndjek me vëmendje situatën në Rusi dhe mbetet në gatishmëri për t’i ofruar ndihmë dhe asistencë shtetasve shqiptarë të cilët ndodhen atje. Presidenti Vladimir Putin vendosi të bllokojë rrjetet sociale Facebook, Instagram, Youtube dhe Tëitter, pasi sipas tij, po përhapeshin lajme të rreme kundër Federatës Ruse në lidhje me konfliktin me Ukrainën.