Zbarkimi i inspektorëve të shëndetit publik në ambientet e Kuvendit pas një telefonate të marrë se në mjedise të mbyllura të tij po pihej cigare ka shërbyer si një tjetër shkak për përplasje mes mazhorancës dhe opozitës në seancën plenare. Kreu i grupit parlamentar të Partisë Demokratike, Gazment Bardhi akuzoi ministren e Shëndetësisë, Evis Sula dhe kreun e Kuvendit, Niko Peleshi se po shkelnin Kushtetutën, duke lejuar persona të paautorizuar në ambientet e punës së deputetëve.