Një kontroll blic u ushtrua gjatë orëve të para të mëngjesit të kësaj të mërkure në burgun e Drenovës, ku sërish në qelinë e Laert Haxhiut u gjet një telefon celular. Telefoni mësohet se iu dërgua për ekspertizë SPAK-ut, ku pritet të zbërthehen komunikimet që ai ka pasur gjatë kësaj periudhe. Kjo nuk është hera e parë që Laert Haxhiut I gjendet telefon në burg. Laert Haxhiu u ekstradua më 3 korrik të vitit 2024 nga Greqia një vit pasi ishte arrestuar në shtetin fqinj. Haxhiu, I cili njihet si kundërshtar i ish kreut të bandës së Lushnjës Aldo Bare, u dënua përjetë për masakrën e Lushnjës në vitin 2017, ku mbetën të vrarë Zamir Latifi, mik i Bares, dhe Jurgen Hoxha. Me burgim të përjetshëm për masakrën e Lushnjës janë dënuar më herët bashkëpunëtorët e Haxhiut, Anterio Kaloshi dhe Orgest Bilbili.