Një aksident I ndodhur në teleferikun e një vendpushimi skish në Spanjë pranë kufirit francez të shtunën, la të plagosur rreth 35 persona, disa prej tyre rëndë, thanë zyrtarët rajonalë për mediat. “Po flasim për rreth 30 deri në 35 persona të lënduar, duke përfshirë lëndime të rënda, shumë të rënda dhe më pak të rënda”, tha për televizionin publik TVE Miguel Ángel Clavero, drejtori i emergjencave për rajonin e Aragonit, ku ndodhi incidenti. "Me sa duket, ka pasur një dështim në rrotullën e kthimit të një prej teleferkiëkve dhe kjo bëri që kabllo të humbasë tensionin, duke shkaktuar rënien e disa karrigeve dhe të tjerat të mbetura të varura," tha Clavero. Mediat lokale thanë se 39 persona u plagosën, nëntë prej tyre në gjendje shumë të rëndë. Pesë helikopterë dhe një duzinë me ambulanca u dërguan në vendpushim për të transportuar të plagosurit në spitalet aty pranë, thanë mediat lokale. Kryeministri Pedro Sanchez tha në X se kishte folur me Azcon dhe kishte ofruar mbështetje nga qeveria.