6 muaj pasi mori OK nga autoritetet e kontrollit për të rinisur fluturimet, avioni Boeing 737 Max gjendet sërish nën hetim. Dyshimi për një problem të mundshëm elektrik, bëri që të bllokohen përsëri mbi 100 aeroplanë, që u përkasin 24 kompanive ajrore në mbarë botën. Gjithashtu janë pezulluar dorëzimet e avionëve të rinj. Boeing dhe autoriteti rregullator I SHBA, po punojnë së bashku për adresimin e problemit. Por ceshtja ka nxitur edhe një herë akuzat se 737 Max-it iu dha drita jeshile para kohe, pasi nuk u analizuan deri ne fund problemet që cuan ne rrëzimin e dy avionëve disa vite më parë. Një ndër kritikët është edhe Ed Pierson, I cili edhe më parë I ka lidhur problemet elektrike në avionët e rrëzuar, me standardet e ulëta të prodhimit në fabrikën e modelit 737. Sipas Boeing-ut dhe Autoritetit të Kontrollit, problem u lokalizua te tokëzimi jo I saktë I panelit të kontrollit në kabinën e pilotit. Kjo mund të ndikonte një sërë funksionesh kritike të avionit dhe mund të cenonte fluturimin dhe uljen e avionit. Megjithatë sipas Boeing-ut, këto probleme nuk kishin lidhje me rrëzimin e dy avionëve në Indonezi dhe Etiopi, ku pati 346 viktima.