Krahas vrasjes së kreut të Hamas, Ismail Haniya, Izraeli vijon hakmarrjen edhe ndaj Hezbollah, I cili ka paralajmëruar në bashkëpunim me Iranin, një sulm të koordinuar dhe masiv mbi Izrael. Së fundmi, mediet ndërkombtare bëjnë të ditur se Izraeli ka vrarë një tjetër komandant të Hezbollah. Hassan Fares Jeshi, besohet të jetë përgjegjës për gjuajtjen e raketave antitank në veri të Izraelit, u vra në një sulm me dron në Joualiyya, në Libanin jugor. Kjo është raportuar nga Forcat e Mbrojtjes izraelite, të cituar nga The Times of Israel. Avionët luftarakë goditën ndërtesat në pronësi të Hezbollahut në Aitaroun, ndërsa media libaneze raportoi për një sulm me dron në Jouaiyya që synonte një automjet, i cili raportohet se la dy persona të vdekur dhe gjashtë të raportuar. Përkundër kësaj, SHBA vijon të bëjë thirrje për të mos përshkallëzuar situatën në rajon, pas paralajmërimeve dhe kërcënimeve të Iranit e Hezbollah.