Bisedimet mes Shteteve të Bashkuara të Amerikës dhe Iranit pritet të nisin më vonë gjatë ditës së sotme në Islamabad, kryeqytetin e Pakistanit, mes tensioneve të larta dhe pasigurive mbi pjesëmarrjen e palës iraniane. Në kuadër të përgatitjeve për takimin, autoritetet kanë marrë masa të forta sigurie. Vizitorëve në hotelin ku do të ndodhë takimi, iu është kërkuar të largohen, duke boshatisur të gjithë godinën, ndërsa policia ka njoftuar mbylljen e rrugëve kryesore për shkak të mbërritjes së delegacioneve të huaja. Presidenti amerikan Donald Trump ka bërë të ditur se përfaqësuesit e tij do të mbërrijnë në Islamabad. Delegacioni amerikan do të udhëhiqet nga zëvendëspresidenti JD Vance, i shoqëruar nga Steve Ëitkoff dhe Jared Kushner. Megjithatë, Irani nuk e ka konfirmuar ende zyrtarisht pjesëmarrjen në këto bisedime. Media shtetërore iraniane raporton se zyrtarët e vendit nuk do të marrin pjesë për sa kohë që vijon bllokada amerikane ndaj porteve iraniane.