Nuk kane të sosur lajmet tronditese të këtyre ditëve. Ndërsa opinioni publik ende është I shokuar nga vrasje e 25 vjecarit Klodian Rasha prej një efektivi të policisë, një tjetër ngjarje e rëndë shënohet në vendin tonë. Dy vëllezer janë gjetur të vrarë më arme zjarri në Zvirinë të Korcës. Top Channel mësoi se bëhet fjalë për Andrea Olldashi 33-vjeç dhe Martin Olldashi 31 vjeç, banues në Pogradec. Trupat e pajetë të vëllezërve u gjetën në afërsi të vendit të quajtur “Kisha e vogël”. Në njoftimin e policisë thuhet se ata ishin larguar nga banesa e tyre që prej mbrëmjes së datës 07.12.2020. një grup I posacëm hetimor është ngritur menjëherë për këtë ngjarje, e në të sic thuhet, janë përfshirë ekspertët më të mirë të Policisë Kriminale të strukturave hetimore në Drejtorinë Vendore të Policisë Korçë. Forcat Operacionale të DVP Korçë, në bashkëpunim me Komisariatin e Policisë Maliq, janë duke krehur zonën, gjithashtu janë shoqëruar në Polici disa persona për t’u marrë në pyetje nëse kanë dijeni apo jo në lidhje me episodin e rëndë. Denoncimin në polici e kishin bërë familjarët, të cilët thonë ishin shqetësuar për shkak se nuk kishin më asnjë lajm nga dy djemtë.