Pas mos arritjes së dakordësisë për mënyrën se si do të zgjidhen anëtarët e rinj të KQZ-së, sot Opozita ka bërë sot një propozim të ri për maxhorancën. Demokratet kane deklaruar se vendosi ta bëjë këtë hap për të mos futur në ngërç procesin, përsa kohë PS refuzoi që përzgjedhja e trupës së KQZ të niste me Avokatin e Popullit, siç ndodh edhe me organet e drejtësisë. Sipas burimeve, propozimi i ri nga PD ka tre shtylla kryesore: Çon të gjithë procesin e përzgjedhjes në Kuvend, reflekton dakortësinë e datës 5 Qershor si dhe ruan formulën e certifikuar nga Komisioni i Venecias për Reformën në Drejtësi. Opozita thekson se propozimi synon ruajtjen e pavarësisë dhe profesionalizmit të KQZ së re, si dhe garancitë e palëve politike që përzgjedhja të mos jetë e njëanshme, por e balancuar dhe konsensuale. Nder te tjera opozita ka akzuar edhe PS se nuk është treguar e gatshme për kompromis gjatë diskutimit të çështjes dhe se i kanë qendruar propozimit të muajit shkurt, i cili i siguron maxhorancës emërimin e të gjithë trupës së KQZ-së me një proces të pastër politik.