Një person është vrarë me armë zjarri në paris, në rrugën Popincort dhe katër persona të tjerë janë plagosur si pasojë e një breshërie plumbash. Për ngjarjen nuk ka ende një motiv edhe pse pista më e besueshme është ajo e një larjeje hesapesh. Një nga dy agresorët është arrestuar, tjetri ka mundur të largohet duke humbur gjurmët. Në bazë të të dhënave të para, dy individët kanë zbritur nga një armë zjarri dhe kanë hapur zjarr kundër dy personave të ulur në tryezën e një bari. Të pyetur nga gazetarët francezë, dëshmitarët okularë treguan se kishin parë një makinë të ndalej dhe më pas personat që zbritën prej saj, me një mitraloz apo kallashnikovb, kishin hapur zjarr. Kjo ka bërë që të gjithë personat që ndodheshin në lokal të përfshiheshin nga paniku dhe të vraponin për shpëtim ndërkohë që plumbat janë derdhur për 20 apo 30 sekonda. Gjithcka ka ndodhur jashtë një bari dhe raportohet se kanë qenë vetë klientët e lokalit ata që kanë bllokuar një prej dy sulmuesve. Hetimet tani i janë besuar rajonit të dytë të policisë gjyqësore të Parisit.