Një person është plagosur me armë zjarri në orët e para të mëngjesit të së premtes në qytetin e Durrësit. Mësohet se ai është Daniel Bushi, 40-vjeç, I cili është paraqitur vetë në ambientet e spitalit të qytetit bregdetar dhe fatmirësisht është jashtë rrezikut për jetën. Autori I kësaj ngjarje dyshohet të jetë Gabriel Peqini, 28-vjeç, I cili tashmë është shpallur në kërkim nga Blutë e Durrësit dhe po punohet për kapjen e tij. Sipas burimeve, I plagosuri njihet si person me precedentë penalë nga policia e Durrësit. Daniel Bushi është qëlluar me armë pas një konflikti në lagjen 17 të qytetit të Durrësit, pranë shërbimit zjarrfikës. Grupi hetimor nën drejtimin e Prokurorisë së Rrethit Gjyqësor Durrës po punon për sqarimin dhe zbardhjen e plotë të rrethanave të ngjarjes, ndërkohë që vijon krehja e zonës për kapjen e autorit.