I bindur se qytetarët kanë pakënaqësi me drejtimin e Partisë Socialiste, por me besim se vetëm ajo mund ta çojë vendin para, kryeministri kërkoi nga kryebashkiakët e majtë që pike të pare në programin e tyre të kenë njerzillëkun. Sipas tij, kjo është ajo që e mundon më shumë qeverisjen. Njerëzit janë të pakënaqur me ne, kjo është e vërteta…. Ka një gjë që mund të përmbushet 100%, është vetëm në dorën tonë këtu. Kjo është njerzillëku me të gjithë anëtarët e një komuniteti, me çdo qytetar të këtij vendi, me çdo familje që ka nevojë për këtë shtet, njerzillëku me çdo sipërmarrje, çdo grup interesi, që është dhe duhet të jetë për mua pika e parë e programit qeverisës të çdo kryetari bashkie të dalë nga vota e 14 majit. Në këtë pikë kemi deficite kudo, në nivelin qendror, vendor. Në turin e falënderimeve në Korçë, numri një I qeverisë krahas falënderimit për strukturat e Partisë Socialiste, një falënderim të veçantë pati edhe për demokratët. Sipas tij, PS kishte aq shumë vota për shkak se e votuan edhe ata të PD dhe Partisë së Lirisë. Ndërkohë nuk la pa flaënderuar demokratët që zgjodhën të mos dilnin në votime.