Komuniteti i biznesit kërkon ndërmarrjen e tre masave nga ana e qeverisë dhe institucioneve të tjera për t’iu përgjigjur rritjes së çmimit të karburanteve në dhjetë ditët e fundit. Përmes një deklarate, Konfindustria shqiptare kërkon ndërhyrjen e menjëhershme të qeverisë me uljen me të paktën 15 për qind të barrës së taksave mbi karburantet. Së dyti kërkon të ringrihet me shpejtësi Bordi i Transparencës me qëllim që ulja e taksave të përcillet e plotë të qytetarët dhe bizneset dhe të mos transferohet si fitim shtesë për operatorët në këtë treg. Së treti, kërkohet nga institucionet kontroll i menjëhershëm I cilësisë së karburanteve, që qarkullojnë në treg. Së katërti, kërkohet ndërhyrja e jashtëzakonshme e institucioneve shtetërore dhe SPAK për luftën kundër kontrabandës së karburantevee me pasoja qindra milionë euro dëm buxhetit. Çmimi i naftës dhe benzinës është rritur ndjeshëm në ditët e fundit pas përshkallëzimit të tensioneve në Lindjen e Mesme, që kanë çuar në kufizimin e qarkullimit të anijeve çisternë në Ngushticën e Hormuzit.