Ish-kryeministri Sali Berisha, vijon turin elektoral në kuadër të zgjedhjeve të 14 majit. Nga Berati kërkoi votën për kandidatët e tij për bashkitë, si mënyrë për të ndëshkuar atë që e konsideroi si varfërim dhe shkatërrim të vendit. Vota për Zija Ismailin është votë për dinjitetin tuaj, për liritë tuaja. Sot ne jetojmë në një regjim ku çdo pushtet është përqendruar në dorën e një njeriu. Ky është tipari më thelbësor i të gjitha diktaturave. Ky njeri sot nuk ka kampe përqendrimi, skuadra pushkatimi, por ka në dorë darën e tmerrshme të varfërimit të shqiptarëve, duke i vjedhur ata dhe duke i përzënë çdo natë, ditë, javë e muaj nga vendi i tyre.