Në strategjinë kombëtare të Qeverisë për integrimin evropian përgjatë vitit 2021-2023, ka një kapitull të vecantë për vettingun në Polici, ndryshe Vlerësimi Kalimtar dhe Periodik i Punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesave në Ministrinë e Brendshme. Zbatimi i Ligjit, duket se ka edhe problematikat e veta, pasi nuk po ecën me ritmet e pritshme, pavarësisht pandemisë, që është konsideruar si një prej arsyeve, por gjithsesi jo fort të pranueshme, nëse krahasimi bëhet me vettingun e prokurorëve dhe gjyqtarëve. Vettingu në Polici ka marrë në shqyrtim deri më tani 92 punonjës dhe po përfundon vendimmarrjen për 45 punonjësit e parë të shortuar me grada dhe funksione të larta në Polici, Shërbimin për Cëstjet e Brendshme dhe Ankesat, Gardën e Republikës. Deri më tani janë vlerësuar me vendimmarrje të trupave të vlerësimit 92 punonjës nga të cilët 4 punonjës të policisë janë dorëhequr gjatë procesit kryesisht pas dërgimit të relacionit të vlerësimit dhe është ndërprerë procesi i vlerësimit me vendimmarrje nga trupa e vlerësimit me pasojë të njëjtë përjashtimin nga policia; 4 zyrtarë janë përjashtuar me vendimmarrje nga të cilët tre punonjës të SHÇBA dhe një nga Garda e Republikës. Vlerësimi i punonjësve të policisë së shtetit, gardës dhe SHÇBA është në funksion të luftës kundër korrupsionit, pasi do të sigurojë qëndrueshmërinë e institucioneve me persona me figurë të pastër, me integritet dhe profesionistë në fushat e tyre respektive. Ashtu si edhe në rastin e vettingut për prokurorë dhe gjyqtarë, edhe për Policinë, Komisioni i Jashtëm i Vlerësimit ka ndërtuar një faqe interneti, ku veç informacionit, ka një rubrikë të posaçme për denoncime nga qytetarët, ku bëhet thirrje dhe nxitje të denoncohet çdo informacion që lidhet me procesin e vettingut, në rast se kanë të dhëna per abuzime apo shkelje ligjore për subjektet në verifikim