Pesë njerëzit më të pasur të botës nga viti 2020 e kanë dyfishuar pasurinë e tyre, sipas një studimi të fundit të publikuar nga organizata Oxfam, Në 2020 pesë më të pasurit e botës zotëronin një pasuri prej 450 miliardë dollarësh. Kjo pasuri është rritur tani në 869 miliardë dollarë. Oxfam thekson se të gjithë miliarderët në këtë hapësirë kohore deri në vitin 2023 e kanë rritur pasurinë e tyre në 3,3 trilionë dollarë ndërkohë që thuajse 5 miliardë njerëzit më të varfër të botës kanë humbur 20 miliardë dollarë pasuri. Organizata Oxfam e prezantoi studimin "Pabarazi Inc." para fillimit të punimeve të Forumit Botëror Ekonomik në Davos më 15 janar. Në Davos mblidhen në takimin pesë ditor përfaqësues shtetesh e qeverish nga më shumë se 100 vende, si edhe ekspertë të njohur të ekonomisë e botës së financave. Pjesëmarrjen e ka konfirmuar Sekretari i Departamenti Amerikan të Shtetit, Antony Blinken, presidenti francez, Emmanuel Macron, kryeministri kniez, Li Qiang. Kancelari Scholz nuk do të shkojë në Davos. Veç debateve mbi ekonominë, pjesëmarrësit do të trajtojnë veçanërisht çështje, se si duhet të përfundojë lufta në Gaza apo si të arrihet paqja në Ukrainë. “Ne jemi dëshmitar të fillimit të një dekade ndasish, me miliarda njerëz që ndjejnë pasojat ekonomike të pandemisë, inflacionit dhe luftës, ndërkohë që pasuritë e miliarderëve që rriten pa u ndalur. Kjo pabarazi nuk është e rastësishme: klasa e miliarderëve po sigurohet që korporatat tu japin më shumë pasuri atyre në kurriz të gjithë të tjerëve”, tha drejtori ekzekutiv i OXFAM Amitabh Behar. Në këto tre vite të fundiot, sipas raportit, fitimnet e super të pasurve janë rritur në ekstrem ndërsa varfëria globale thellohet. Miliaderët janë 3.3 trilionë më të pasur se në 2020-ën dhe pasuria e tyre është rritur tre herë më shpejt se sa norma e interesit.