Grupi i Rithemelimit pas ndryshimeve Statutore nëpërmjet të cilave përfshiu në Kryesi deputetë mbështetës të Gazment Bardhit si dhe i dha këtij të fundit dhe Agron Gjekmarkajt postin e nënkryetarit të Partisë, duket se formalisht tashmë është i bashkuar, dhe i mungojnë 11 deputetët e PD-së zyrtare, për të cilët herë pas herë lë një derë hapur. Por përballë këtij fakti, realiteti me përbërjen e grupit të PD në Kuvendin e Shqipërisë është tjetër. Që pas protestës së 8 janarit Lulzim Basha përjashtoi nga grupi Flamur Nokën, Edmond Spahon, Albana Vokshin, Agron Shehajn, Oerd Bylykbashin, Tritan Shehun, Luan Bacin si dhe Belind Këlliçin, që tashmë është jashtë parlamenti dhe Agron Shehaj i larguar me dëshirën e tij nga PD. Ky realitet vijon të paraqitet në përbërjen e grupeve në Kuvendin e Shqipërisë, ndonëse grupi pretendon se është i bashkuar dhe zhvillon mbledhje të përbashkëta.