Aeroportet duhet të ndalohen të shërbejnë alkool për pasagjerët para fluturimeve herët në mëngjes, tha shefi i Ryanair, Michael O’Leary. Ai tha se masa do të zvogëlonte numrin e pasagjerëve që ishin problematikë në bordin e avionëve. O’Leary tha se Ryanair po detyrohej të devijonte mesatarisht gati një fluturim në ditë për shkak të sjelljes së keqe në bord, nga një në javë një dekadë më parë. “Po bëhet një sfidë e vërtetë për të gjitha linjat ajrore. Nuk arrij ta kuptoj pse dikush në baret e aeroportit po u shërben njerëzve në orën pesë ose gjashtë të mëngjesit alkool. Kush duhet të pijë birrë në atë kohë?”, thotë O’Leary.