Top News/ Të moshuarit u rrahën deri në vdekje/ Dropull, pista kryesore e policisë, dhuna në familje

Kosta Ilia 84 vjeç dhe Kleoniqi Ilia 88 vjeç, 88 bashkëshortë mes tyre janë gjendur të pajetë mëngjesin e kësaj të enjteje brenda banesës së tyre në fshatin Bodrishtë të Dropullit. Ka qenë një fqinje e cila ka hyrë në banesën e të moshuarve, pas njoftimit të motrës së Kleoniqit se nuk u ishin përgjigjur telefonatave. Ajo ka hyrë rreth orës 6 të mëngjesit në banesën e të moshuarve dhe fillimisht ka konstatuar të pajetë Kosta Ilian në hyrje të banesës me një shenjë goditjeje në anën e djathtë të kokës dhe më pas edhe Kleoniqin më në brendësi. Të moshuarit kanë pasur shenja dhune ne trup çka ka çuar fillimisht në dyshime se ata mund të ishin bërë pre e një grabitjeje.