Bisedimet brenda qeverisë dhe brenda partisë së Kiriakos Mitsotakis për të kandiduar Fredi Belerin si deputet në Parlamentin Europian nuk kanë qenë fort të lehta. Sipas gazetës më të vjetër greke, Kathimerini, elementë brenda shumicës qeverisëse greke kanë qenë kundër këtij vendimi, duke arsyetuar se me këtë lëvizje, Demokracia e Re vërtet mund të joshë votuesit ekstremistë, por do të humbasë elektoratin gri, që e sheh Belerin si një figurë kontradiktore. Në fund, pas konsultimit me një grup të ngushtë bashkëpunëtorës, shkruan Kathimerini, Mitsotakis ka pranuar propozimin dhe e ka përfshirë Belerin në listën e kandidatëve.