Të lodhur nga zhurmat e kantiereve të ndërtimit që shfaqen ngado, nga boritë e makinave që çajnë përmes dritareve të apartamentit tënd në një metropol të zhurmshëm? Shkencëtarët besojnë se kanë gjetur një mënyrë që banorët e qyteteve të lejojnë hyrjen e ajrit të freskët në shtëpi duke reduktuar ndërkohë kakofoninë urbane. Bëhet fjalë për një mënyrë të ngjashme me atë të kufjeve që anulojnë zhurmat. Sipas sistemit të projektuar në Singapor, 24 altoporlantë të vegjël vendosen në grilën metalike të një dritareje të hapur, për të krijuar atë që kërkuesit e kanë quajtur një mburojë akustike. Kur zhurma si ajo e trafikut apo e një treni pikaset, altoporlantët gjenerojnë valë zanore që anulojnë një pjesë të zhurmës, ngjashëm si kufjet high-tech.