Anëtari i një familjeje të famshme kriminale në gjermani ka ofruar ndihmë në kapjen e një luaneshe që dyshohet se endet rrugëve të periferisë jugore të Berlinit. Policia po kërkon prej dy ditësh tashmë pasi u njoftua për një kafshë të egër në arrati, por ende nuk e ka gjetur atë. Tani, djali i bosit të familjes Remmo, ka thënë se ai mund ta kthejë luaneshën në strehën e saj. Firas Remmo, i ka kërkuar autoriteteve të mos e qëllojnë kafshën. Në një postim në mediat sociale, ai i kërkoi të gjithë atyre që kanë informacione për vendndodhjen e luaneshës, që të informojnë atë të parin në mënyrë që ai të veprojë para se ndonjë ‘idiot’ sic u shpreh ai, ‘ta qëllojë atë”. Kjo nuk është në fakt hera e parë që ai lidhet me raste të ngjashme. Në dhjetor, ai postoi një video online, ku ai shihej me një këlysh tigri, dhe nën imazh shkruhej, ‘kafsha ime e re e preferuar”. Ky rast madje bëri që të niste edhe një hetim i policisë. Nuk është ende e qartë nëse kafsha që po kërkohet është një luaneshë, pasi nuk janë gjetur gjurmë të saj në zonat ku supozohet se ajo është parë. Sidoqoftë, policia i tha BBC se beson se një video që po qarkullon nga zona Kleinmachnoë, është autentike. Policia tha se dy oficerë e kanë parë kafshën rreth 20 metra larg, në mesnatën e të enjtes dhe e kanë identifikuar atë si një mace të madhe. Ndërkohë, asnjë kopsht zoologjik apo strehë kafshësh nuk ka raportuar që ndonjë luan të jetë larguar që andej.