Shpenzimet globale të mbrojtjes u rritën në vitin 2021, duke arritur në mbi 2 trilionë dollarë për herë të parë. Në raportin e ri të Institutit Ndërkombëtar për Kërkime të Paqes, me seli në Stokholm, thuhet se shpenzimet e mbrojtjes u rritën për 0.7 për qind vitin e kaluar, në krahasim me vitin 2020, duke arritur në 2.113 trilionë dollarë. Pesë shpenzueset më të mëdha ishin: Shtetet e Bashkuara, Kina, India, Britania dhe Rusia, thuhet në raport. Shtetet e Bashkuara përbëjnë 38 për qind të shpenzimeve ushtarake, ndërsa Kina 14 për qind. Megjithatë, shpenzimet e mbrojtjes në SHBA ranë nga 3.7 për qind produktit të brendshëm bruto në 3.5 për qind - me sa duket për shkak të inflacionit në rritje. Sipas raportit, shpenzimet ushtarake në Rusi u rritën me 2.9 për qind, duke shkuar në përkatësisht në 65.9 miliardë dollarë apo 4.1 për qind të prodhimit të brendshëm bruto.