Të gjithë mund të ngrenë sytë lart dhe të admirojnë këtë mbrëmje "Hënën e Drerit": hënën e plotë të ndritshme të korrikut. Sateliti i tokës, sic raporton CNN, do të arrijë ndricimin më të madh të mërkurën, më 29 korrik në orën 16:36 sipas orës sonë. Nuk nevojiten pajisje komplekse për të shijuar spektaklin. NASA shpjegon se entuziastët do të kenë shumë mundësi zgjedhjeje: gjëja më e rëndësishme është që të zgjidhet një vendndodhje kryesisht e errët, larg ndotjes nga drita dhe me një pamje të qartë të horizontit. Vëzhguesit në disa zona të Amerikës së Veriut mund të vënë re madje edhe një detaj të habitshëm: një nuancë të dallueshme portokalli ose të kuqërremtë në diskun e hënës dhe shkak për këtë është tymi nga zjarret në Kanada. "Hëna e Drerit" i referohet kohës së vitit kur brirët e drerit mashkull përfundojnë rritjen e tyre, por popullata të tjera indigjene përdorin emra të tjerë. Ndërkohë, dy superhëna spektakolare priten në fund të vitit, kur sateliti do të jetë më afër Tokës: "Hëna e Kastorit" më 24 nëntor dhe "Hëna e Ftohtë" më 23 dhjetor.