Partia Demokratike mblodhi këtë të enjte grupin parlamentar, ku në foskus ishte situata aktuale që po kjalon vendi, ku dhe njëherë Sali Berisha akuzoi kryeministrin Rama se shtë kthyer në një rrezik madhor për çdo shqiptar. Ai tha se të gjithë po presin nga opozita që të zgjidhin krizën aktuale që ka përfshirë, sipas tij, vendin. Të nderuar deputete e deputetë, ne nisim këtë vit kur të gjithë shqiptarët, të gjithë miqtë e Shqipërisë në Europë dhe në botë presin nga PD, presin nga opozita shqiptare zgjidhjen e situatës dramatike në Shqipëri. Zgjidhjen përfundimtare të kësaj situate, e cila si në asnjë vend tjetër, një vend anëtar i NATO-s, një vend që pretendon se po ecën drejt BE, faktohet para qytetarëve të saj dhe mbarë botës një klikë e papërgjegjshme, një organizatë kriminale që vjedh ditë e natë qytetarët e saj. Berisha u ndal edhe tek përmbytjet ëq përfshinë vendin, ku fajësoi drejtpërdrejtë mazhorancën për korrupsion, papërgjegjshmëri dhe keqmenaxhim.