Zërat se presidenti rus Vladimir Putin mund të përballet me një fund aspak të pëlqyer për të, janë dëgjuar prej kohësh e madje duket se ky është një makth që e përndjek edhe vetë atë. E ndërsa flitet për skenarë nga më të ndryshmit, mendja shkon natyrshëm edhe tek zëvendësuesit e mundshëm të tij. E kjo trazon jo pak perëndimin...Në gjermani psh, kanë frikë se kush mund ta zëvendësojë Putinin në rast se një skenar që e sheh atë të rrëzuar në një formë apo në një tjetër do të jetësohet...emrat që përmenden si pasues të tij, janë të gjithë më të këqinj se Putin... Një anëtar i parlamentit federal të Gjermanisë tha të mërkurën se vendi i tij ka “frikë” se kush mund të zëvendësojë presidentin rus Vladimir Putin nëse ai largohet nga pushteti. Alexander Müller, një anëtar i Partisë Demokratike të Lirë dhe Komitetit të Mbrojtjes të Bundestagut, i bëri komentet për Kyiv Post ndërsa diskutonte për luftën në Ukrainë. Müller përshkroi atë që ai ndjente se ishte ndjenja e përgjithshme në vendin e tij në raport me luftën në Ukrainë, e cila filloi më 24 shkurt të vitit të kaluar. Gjermania ishte një aleat i hershëm i presidentit ukrainas Volodymyr Zelensky në konflikt dhe një nga furnizueset kryesore me armë, pavarësisht hezitimeve të fillimit.