Turqia shpreson të sigurojë ndihmën e Berlinit për të siguruar akses në një skemë të BE-së për mbrojtjen, pavarësisht kundërshtimit grek, tha të enjten një burim turk i mbrojtjes, ndërsa kancelari gjerman Friedrich Merz vizitoi Ankaranë. Merz, i cili mbërriti në turqi të mërkurën vonë, u takua me Presidentin Rexhep Tajip Erdogan në kryeqytetin turk, Ankara, ndërsa bisedimet u përqendruan te mbrojtja, siguria dhe migrimi, thanë burime nga të dyja palët. Berlini kishte thënë se në agjendë ishin çështjet dypalëshe dhe të politikës së jashtme, si edhe bashkëpunimin më të ngushtë mbi migrimin, sigurinë dhe biznesin, me Merz që shpreson të ushtrojë presion mbi Turqinë për të marrë mbrapsht më shumë azilkërkues të refuzuar. Për Turqinë, e cila është anëtare e NATO-s, por jo e BE-së, qëllimi është të sigurojë ndihmën gjermane për akses në iniciativën e bllokut për Veprim Sigurie për Evropën prej 150 miliardë eurosh. Edhe pse Turqia është teknikisht e pranueshme, asaj i duhet miratim nga të 27 anëtarët e BE-së, dicka që Greqia ka kërcënuar ta bllokojë.