Samantha Gjeci, një vajzë me origjinë shqiptare ka bërë jehonë në mediat italiane, për shkak të rezultateve të shkëlyera të notave në shollë. Për dy vite me radhë 17 vjecarja ka dalë ekselente, duke marrë 10 te të gjitha notat. Ajo sapo ka përfunduar vitin e katërt në gjimnazin Canova të rajonit të Trevisos dhe cilësohet si studentje model. Në një intervistë për mediat italiane, Gjeci shprehet se prindërit kanë qenë mbështetja e saj më e madhe dhe se ata janë shumë krenar për rezultatet që Gjeci ka marrë në shkollë. “Tridhjetë vjet më parë babai im zbarkoi në Itali nga Shqipëria. Dhe e di sa sakrifica ka bërë për mua“. Dashuria për të studiuar nga ana e Samanth-ës është e pamohueshme. Duke folur për gazetën Il Gazzettino, ajo shprehet se ka qenë e ndërlikuar të arrinte në këto nivele. “Ndjeva pak presion, por në fund i menaxhova emocionet”.