Referuar të dhënave të fundit të Organizatës Botërore të Shëndetësisë, Shqipëria renditet në vend të fundit në Europë, për sa i përket numrit të mjekëve për banorë. Një artikull i revistës Monitor tregon se të dhënat për Shqipërinë, që i përkasin vitit 2020, tregojnë se, numri i mjekëve për 10 mijë banorë është pak më shumë se 18 në vitin 2020, niveli më i ulët në rang europian dhe në rajon. Pas Shqipërisë, numrin më të ulët të mjekëve për banorë e ka Turqia me 20 doktorë për 10 mijë banorë.