Janë të panjohura, të errëta dhe të uritura...Vrimat e zeza konsiderohen shpesh si misteret e universit por tani astronomët po përgatiten të realzojnë një filmim revolucionar të një vrime të zezë, supermasive, në një vëzhgim që mund të ndihmojë në zbulimin e një ane tjetër të këtyre objekteve hapësinore të pakapshme dhe ndoshta të pakuptuara. Teleskopi Event Horizon, ose sic njihet EHT, do të gjurmojë vrimën e zezë kolosale në zemër të galaktikës Messier 87 gjatë gjithë marsit dhe prillit me qëllim kapjen e pamjeve të saj nga pika përtej së cilës asnjë dritë ose materie nuk mund të shpëtojë. "Përpjekja është vërtet revolucionare, jo vetëm sepse është teknologjikisht jashtëzakonisht sfiduese, por sepse do ta përshpejtojë shkencën", thotë Sera Markoff, profesore e astronomisë dhe filozofisë eksperimentale në Universitetin e Kembrixhit. “Mund të jemi në gjendje ta kuptojmë më mirë shpejtësinë me të cilën rrotullohet vrima e zezë dhe mënyrën se si vrimat e zeza lëshojnë rryma ajri, të dyja këto pikëpyetje të mëdha, të pazgjidhura në fushën tonë”, shton ajo.