Në datat 29–30 prill 2026, në Zagreb të Kroacisë, do të zhvillohet Forumi i IDU 2026, Unioni Ndërkombëtar i Demokracisë, duke mbledhur liderë politikë, vendimmarrës dhe përfaqësues të partive të qendrës së djathtë nga e gjithë bota. Ky forum synon të trajtojë sfidat aktuale globale, të forcojë bashkëpunimin ndërkombëtar dhe të promovojë vlerat e demokracisë, ekonomisë së tregut dhe shtetit të së drejtës. Kryedemokrati Berisha do të marrë pjesë në panelin kushtuar Ballkanit Perëndimor, me temë “Kufiri i Harruar: Ballkani Perëndimor dhe Premtimi i Papërmbushur i Europës”. Në kuadër të agjendës së bërë publike, Berisha do të nisë fjalën i pari në këtë panel në orën 10:50 të paradites së 30 prillit. Pjesëmarrja e tij do të përqendrohet në zhvillimet politike në rajon, sfidat e demokracisë dhe procesin e integrimit europian.