Gazeta britanike ‘the sun’, përmes një artikulli të gjatë shkruan se është zbuluar numri i shqiptarëve të transferuar nga burgjet angleze në ato shqiptare. Sipas medias britanike, bëhet fjalë për vetëm 8 shqiptarë të burgosur që janë kthyer në vendin e lindjes për të vuajtur dënimin e tyre, në një skemë 8 mln paund, e cila synon të kthejë dhjetëra vrasës, përdhunues dhe baronë droge. Kjo skemë, sipas ‘The Sun’, u nis në vitin 2023, dhe ishte caktuar të dyfishonte numrin e shkelësve të huaj të dëbuar në 200. Plani i riatdhesimit parashikonte që Britania e Madhe t’i paguajë Shqipërisë 4 milionë paund në vit për të rikthyer të burgosurit e saj më të dhunshëm. Marrëveshja fillestare përfshinte 12 vrasës, 8 përdhunues dhe më shumë se 100 të tjerë të akuzaur për vepra droge dhe armë zjarri.