Gjatë muajit janar 2024, policia e Gjirokastrës ka vënë në pranga 5 drejtues mjetesh, për drejtim mjeti, në gjendje të dehur, si dhe ka proceduar në gjendje të lirë 5 drejtues mjetesh të tjerë, për shkelje të rregullave të tjera të qarkullimit. Sakaq bëhet me dije se janë pezulluar 2 leje drejtimi. Ndërkohë janë ndëshkuar administrativisht në total, mbi 1500 drejtues mjetesh, të kryesisht për për ndalim ose pushim të automjetit, në kundërshtrim me sinjalistikën rrugore, për parakalime të gabuara, për mosvendosjen e rripit të sigurimit, për qarkullim me shpejtësi tej normave të lejuara si dhe për shkelje të ndryshme të Kodit Rrugor. Këto kntrolle kanë si qëllim parandalimin e aksidenteve rrugore me pasoja për jetën e përdoruesve të rrugës, rritjen e parametrave të sigurisë rrugore dhe lehtësimin e qarkullimit në qytet dhe në akset lidhëse.