Administrata e Presidentit amerikan Donald Trump po shtyn Serbinë dhe vendet e tjera të Ballkanit që të pranojnë migrantë të deportuar nga Shtetet e bashkuara, sipas burimeve të njohura me çështjen. Kërkesat drejtuar vendeve në rajon janë në vazhdim të një strategjie më të gjerë për të gjetur qeveri të huaja të gatshme të pranojnë migrantë të dëbuar nga SHBA-të, përfshirë ata që fillimisht hynë nën mbrojtje gjatë epokës së Bidenit, sipas burimece, të cilët kërkuan anonimitet sepse bisedimet ishin private. Lajmi është publikuar nga Bloomberg të enjten ndërkohë që Shtëpia e Bardhë, Departamenti amerikan i Shtetit dhe Ministria e Jashtme e Serbisë nuk i janë përgjigjur kërkesave të agjencisë së lajmeve Reuters për koment. Muajin e kaluar, Gjykata Supreme e SHBA-së lejoi administratën e Trumpit të revokojë statusin e përkohshëm ligjor të qindra mijëra emigrantëve nga Venezuela, Kuba, Haiti dhe Nikaragua, që jetojnë në Shtetet e Bashkuara, duke forcuar përpjekjen e presidentit republikan për të përshpejtuar deportimet. Administrata Trump ka kërkuar destinacione të mundshme për emigrantët që mund të deportohen si rezultat i vendimit, thotë raporti i Bloomberg. Raporti, nuk përmend nominalisht shqipërinë, por thekson se bisedimet po vazhdojnë me vendet e tjera të ballkanit, përvec serbisë. Aktualisht, Shqipëria ka një marrëveshje me Italinë, për pritjen e emigrantëve të paligjshëm që synojnë vendin fqinj. Kryeministri britanik, Keir Starmer, nuk mundi të siguronte të njëjtën marrëveshje me kryeministrin Rama, kur ai vizitoi shqipërinë gjatë muajit maj ndërsa interes për skemën kanë shprehur edhe vende të tjera, përfshirë gjermaninë. Ndërkohë, kjo është hera e parë që raportohet për një interes të uashingtonit për të sjellë të dëbuarit në ballkan.