Sherri mes partive politike është bërë shkas për mosarritjen e konsensusit për votimin e amnistisë penale. Nisur nga kjo, një peticion është organizuar nga të burgosurit në Durrës, të cilët kërkojnë që politika të mos ua çojë dëm këtë mundësi për liri. Iniciator për këtë peticion është bërë një nga të burgosurit në këtë institucion, kryefamiljar nëna e të cili mësohet se ka ndërruar jetë para disa muajsh dhe i ati i moshuar ka nevojë për përkujdesje. Ky peticion është firmosur nga 43 të dënuar. Nënshkruesit e këtij peticioni kërkojnë të miratohet amnistia penale në parlament dhe të mos mbahen peng për shkak të qëndrimeve politike. Letra në fjalë i është dërguar kryeministrit Edi Rama, kryeparlamentares Nikolla, Ministrit të Drejtësisë Ulsi Manja dhe të gjitha grupeve parlamentare në Kuvend.