Shpesh herë shqiptarët në burgjet greke kanë rënë pre e dhunës e shpesh herë, kjo dhunë ka shkuar deri në humbje të jetës. Por krahas kushteve, një problematikë tjetër që si duket është kthyer në shqetësimin kryesor për shqiptarët, ka të bëjë me të drejtat e tyre. Për këtë, burime raportojnë se të dënuarit shqiptarë në Greqi kanë nisur një grevë në burgje për shkelje të të drejtave të tyre. Sipas po të njëjtave burime, shqiptarët që po kryejnë dënimin në burgjet greke, janë shprehur se kanë njoftuar mediat shqiptare pasi në Greqi nuk u shpërndahet deklarata. Sipas informacioneve greva e urisë do të përshkallëzohet në të gjitha burgjet e vendit fqinj deri në fund të javës që vjen. Të burgosurit pretendojnë se drejtësia greke nuk u njeh të drejtën e lirimit me kusht dhe kanë të paktën mbi 1 vit që janë në pritje.