Qeveria daneze ka prezantuar një ligj që do ti ndalojë të burgosurve të përjetshëm të hyjnë në marrëdhënie të reja romantike. Sipas ligjit, të burgosurit do të kufizohen në kontaktet me vetëm ata që kanë qenë pranë tyre në 10 vitet e para të burgosjes. Ministrat shpresojnë se masa do të godasë ngritjen e ‘oreve’ të kriminelëve. Ligji pason zbulimin se një 17 vjecare kishte rënë në dashuri me vrasësin Peter Madsen. Ky i fundit është dënuar me burg të përejetshëm për vrasjen e gazetares Kim Ëall, në bordin e nëndetëses së ndërtuar nga vetë ai, UC3 Nautilus, pasi ajo kishte shkuar ta intervistonte më 10 gusht 2017. Më pas, ai preu trupin e saj në copa dhe e hodhi në det. Ai u dënua në 2018-ën. Cammilla Kürstein pranoi se ajo kishte rënë në dashuri me Madsen pasi kishte shkëmbyer letra dhe kishte biseduar në telefon me të gjatë dy viteve. Ajo ishte bërë xheloze kur më pas ai u martua me një 39 vjecare ruse, ndërkohë që ishte në burg, në 2020-ën. Ministri danez i drejtësisë tha se këto lloj marrëdhëniesh duhej të ndaloheshin dhe shtoi se kriminelët e dënuar nuk duhet të jenë në gjendje ti përdorin burgjet si qendra takimi apo platforma mediatike për tu krenuar për krimet e tyre. Ligji i ri i ndalon të burgosurve afatgjatë edhe postimin e lirshëm në mediat sociale apo diskutimin për krimet e tyre në podkaste.