Kodi i ri penal barazon dënimet për korrupsion, si për zyrtarët që kërkojnë rryshfet, ashtu edhe për ata që u ofrojnë përfitime të paligjshme. Aktualisht korrupsioni aktiv, pra premtimi apo dhënia e një përfitimi të parregullt ndaj funksionarëve publikë, për të kryer apo mos kryer një veprim që lidhet me detyrën e tij, dënohet me burgim nga gjashtë muaj deri në tre vjet. Ndërkohë korrupsioni pasiv pra kërkimi ose marrja e përfitimit të parregullt nga zyrtarët dënohet me burgim nga dy deri në tetë vjet. Drafti i kodit të ri penal, parashikon që si korrupsioni pasiv ashtu edhe ai aktiv i personave që ushtrojnë funksione publike, të dënohet me burgim nga tre deri në tetë vite. Kur nga këto veprime dëmtohen ose rrezikojnë te demtohen interesat financiare të Bashkimit Evropian, dënimi me burgim shtohet deri në një të tretën e tij.