Të dhënat e ministrisë së Financave tregojnë një suficit prej 36 miliardë lekësh në pesë mujorin e parë të këtij viti. Sipas këtyre të dhënave, të ardhurat në buxhet në këtë periudhë ishin 258 miliardë lekë, ndërsa shpenzimet ishin 222 miliardë lekë. Të ardhurat nga tatimet dhe doganat ishin 224 mld lekë, ndjekur duke shënuar një performacë në rritje me 10 për qind në krahasim me një vit më parë, ndërsa performanca më e dobët është shënuar në mbledhjen e taksave kombëtare me një rënie me 23 për qind në krahasim me një vit më parë. Shpenzimet nga ana tjetër janë realizuar në këtë periudhë në masën 90 për qind, ose 222 miliardë lekë.